Miedosu,-a, -o

Esti blog nunca foi especialmente reivindicativu, pero quiero dicir cuatro cosines.

El casu ye que aprovechando esos cambios "forzaos" de los planes d'estudios universitarios, tenemos la oportunidá de permir que aquellos que quieran estudiar asturianu con normalidá puedan facelo. Y por mieos tontos y supersticiones estrañes, esta selmana torgóse esa posibilidá.

Que digan, como dicen, que esos estudios nun tienen futuru... ye un peligru. Que queréis que vos diga, a esti pasu quitennos historia del arte o filosofia o maxisteriu, que porque los sos titulaos nun xeneren precisamente desarrollo económicu ya industrial. Pensai nos/es maestros/es, solo xeneren gastu públicu y si atendemos a lo que se fala na cola la carnicería o nel telediariu, facemos más mal que bien.

Si la cosa ye siguir un sistema llingüísticu mayoritariu, entós revisemos los sistemes numéricos, ya que tamos... Pa que se pierde'l tiempu n'Informática con sistemes binarios, hexadecimales y demás?? Qu'usen el sistema decimal que ye'l tradicional d'españa. O meyor, ya que ta de moda lo anglosaxon, quitemos el sistema métricu decimal de les escueles!

Si yo que soi persona con dellos titulos universitarios y que fala cuatro llingües estranxeres, que son les que dan prestixu, cuando pido cerveces faigolo en pintes. ¿Los que piden "cañas", "quintos" qué son? ¿Xente sin cultura?

Los que creáis y compartáis estos motivos pa torgar la enseñanza universitaria de la llingua, nun pensis que nesa famosa votación gano la vuesa postura. Non, lo que ganó foi'l mieu a les cosecuencies: un mieu a les consecuencies polítiques que pueda traer la dignificación de la llingua por mor de la so incursión na Universidá y un egoísmu del propiu profesoráu que tien mieu de que la asturiana compita con otres llingues que yá tienen poca matrícula.

Soi perbona pescanciando los mieos y ansiedaes de la xente, asi que, si m'equivoco, equivocareme, pero nun taré mui lloñe de la verdá.

--
Esto diba a ser un post a la xente encerrao dende ayeri a les 5 la tarde nel edificiu históricu pidiendo una filoloxía asturiana, pero supongo que cuesta escribir dende fuera cuando tienes mente y corazón dientro. Déxovos algun enllaz pa que vos enteréis: LVA, Asturies.com

Sombres

Vela
Cargado originalmente por Jraanci :)

Hasta ayeri, toos víamos el futuru de les llingües asturianes más más claru o más oscuru, según lo optimismu de cada cual. Güei, munches/os sentimos que nos apagaran una lluz.

Contra la oscuridá, solo se m'ocurre encender una vela.

---
Asturies.com
Asturnews
La nueva España
La voz de Asturias

L'amor

Yo amiraba pa la muyer que fuera hasta entós: débil, queriendo dar la impresión de ser fuerte. Con miéu a too, pero diciendose a sí mesma que nun yera miéu – yera la sabiduría de quien conoz la realidá. Construyendo muries nes ventanes per onde penetraba la gayola'l Sol – pa que los sos muebles vieyos nun quedaren esvaíos.

Vi a la Otra, sentanda na esquina'l cuartu – frágil, cansada, desencantada. Controlando y esclavizando aquello que debia tar siempre en llibertá: los sos sentimientos. Intentando xulgar l'amor futuro pol sufrimientu pasao.

L'amor ye siempre nuevu. Nun importa qu'amemos una, dos, diez veces na vida – tamos siempre énte una situación que nun conocemos. L'amor pue llevanos al infiernu o al paraísu, pero llévanos siempre dayures. Ye necesario aceptalo, porque él ye l'alimentu de la nuesa esistencia. Si nos negamos, morremos de fame, mentanto vemos les cañes cargaes del árbol de la vida, sin l'enfotu pa espurrir la mano y coyer los sos frutos, Ye preciso buscar l'amor aú él tea, magar qu'eso signifique hores, díes, selmanes de deceicion y tristura.

Porque nel precisu momentu en que partimos en busca del amor, tamién él parte escontra nós.

Y sálvanos.

Paulo Coelho (1994) en Na margem do rio piedra eu sentei e chorei.

---
Perdona-y, si la tradución nun ye me mui curiosa pero falo portugués tan bien como asturiano. ;-)

Conceyu sabios/es

Esi ye'l asuntu col que pido ayuda a la mio xente en forma d'email, que ye l'únicu mou de tenelos/es a toos/es a mano.

Soi persona demasiao independiente y, davezu, antisocial. A pesar de too, tuvi la suerte de conocer unes poques grandes persones caleyando por esos mundos. Col pasu'l tiempu fuimos alloñandonos, unes veces por mor de la distancia puramente física y, les más d'elles, poles coses buenes que lleguen a les nueses vides: trabayu, amor, estudios,...

Recuerdo la estrañeza que sentí cuando nuna dinámica de conocimientu una compañera confesara arguyosa qu'una de les sos virtúes yera de la mantener les amistaes de la infancia. Hasta esi momentu nunca había pensao na importacia de mantener les amistaes a lo llargu'l tiempu. Quiciabes porque taba nuna fase de mio vida na que nun paraba de conocer xente nuevo y na que nun paraba más d'un añu nel mesmu sitiu.

Yo nun soi tan virtuosa como la mio amiga y escaezo cumpleaños, odio fala por teléfonu, tardo n'escribir emails y munches veces sólo contacto pa pedir ayuda, agospiciu o guía espiritual, pero tengo la suerte de que sigan tando ehí por munchos años que pasaran dende la última vez que nos viéramos.

El fechu de que les mios amistaes sean tan distintes entre sí que nun se m'ocurriría xuntales a toes por miéu a lo que puea pasar, tien la gran ventaya de que si pido conseyu sobre un tema determináu, voi tener una bayura d'opiniones y puntos de vista que ya quisieren pa si (o non) munches tertulies televisives. Y eso a la hora de buscar soluciones, ye una estratexa d'altu nivel - si ya me lo diz la xente, lo mío yeren los RRHH.

Pa una persona como yo que necesita estudiar toles posibilidaes, les sos consecuencies, les consecuencies de les consecuencies,... Los/es mios amigos/es afórrenme unes cuantes neurones.

... y pa que negalo, presta saber que tan ehí.

GRACIES !!