Al debalu

Camientos

2009-07-18T07:52:00.000-07:00

queria de ti un país de bondade e de bruma
queria de ti o mar de uma rosa de espuma

quería de ti un país de bondá y de bruma / quería de ti'l mar d'una rosa de espluma

Mário Cesariny

Poema y torna apaecen nel llibru "Uma olhada diversa/Una mirada diversa" (2009), que me paez que va acompañame munchu tiempu.

Sintiendo al monte

2009-04-16T15:21:00.000-07:00

Güei, una persona d'eses que tamién tienen un monte al que mirar en busca de paz, compartió esi requexín d'intimdá conmigo y alcorme d'una mañana na que yo descubrí qu'hai un monte que ye parte de mi como yo dalgún día seré parte d'él. Foi lleendo l'últimu párrafu de El cuera de Pilar Junco:

Cuántos cuentos cunta'l monte a que-y los quier udir... A mí gústame muchu quedame amirándolu y udiéndolu, y to de lo h.acer h.asta que los deprienda toos.

El mio monte fala un dialéutu occidental y el de Pilar de xuru contaba-y coses n'oriental. El to monte, ¿cómo te fala?

Los cuartos (1/2)

2009-04-13T18:01:00.000-07:00

EL MITU DEL DINERU

Xunto al mitu del estáu, vien el mitu del dineru. El valor del dineru depende de lo fuerte que seya l'estáu. Cuando los goviernos caen, el so dineru nun val. Durante años, americanos picardiosos viaxaron por Europa ufiertando cambiar dolares de la Confederación, que nun valíen na dende que los Estaos del Sur perdieren la Guerra Civil, presentándolos como dólares americanos válidos a los/es confiaos/es europeos/es. ¡Hasta que se convierieren en pieces de coleccionista y valieron abondo más que los dólares americanos! N'aquel momentu'l Gobiernu Federal emplego les prensen orixinales pa imprimir dolares confederaos y regalalos colos chicles, nun fuera a ser que se devaluara la so propia moneda.

Cuando l'Alemania del Kaiser cayó, los marcos imperiales foron inútiles. Cuando la República Española foi vencía, los bancos simplemente cancellaron el valor de la so moneda. Y la historia nun acaba equí. Entá, según una lleenda que munchos/es siguen creyendo, la riqueza del país reside nes imprentes de Waterlow. Asina, al salir los billetes de les prenses, créase la nuesa riqueza y si estes paren, ¡emprobeceríemos! Los bancos idearan un alternativa imprimiendo les sos tarxetes de créditu. Otru mitu, datáu anguaño, ye que'l dineru impresu tien que corresponder con una cantidá d'oru trancada con munchu ciñu nuna misteriosa cámara enterrada, dempues d'haber cavao cola máxima seguridá [...]. De cualquier mou, ya va tiempu que los gobiernos desaniciaron el mitu (de toes maneres continuel col ritu). El nuevu ritu gubernamental ye que si s'acuña muncha moneda habrá inflación y convertiríamonos en probes, pa evitalo tenemos que tar preparaos/es pa entrar pel riegu y soportar la probeza, perder el trabayu y la casa, o n'otres pallabres facenos probes.

Anarquism: arguments for and against d'Albert Meltzer (1996)

El mio nivel d'inglés téunicu nun ye mui allá, pero espero qu'esta parrafada tenga dalgún sentíu. Aceuto (y necesito) correcciones.

El páxaru ye páxaru

2009-04-13T17:03:00.000-07:00

Bono, esto hubiere quedao meyor pal 8 de marzo, pero una bloguera nunca actualiza tarde, nin ceo. Actualiza esáutamente cuando-y peta.

TXORIA TXORI
Hegoak ebaki banizkio
neria izango zen
ez zuen aldegingo.
Bainan honela
ez zen gehiago txoria izango.
Eta nik txoria nuen maite,
Eta nik, eta nik, txoria nuen maite.

EL PÁXARU YE PÁXARU
Si-y cortara les ales
sedría míu/a
nun colaría.

Pero asina,
dexaría de ser páxaru
Y yo lo qu'amo ye'l páxaru.

Lo de la "torna" nun ye tal pq nun toi mui segura de los tiempos verbales, pero pa facese una idea val, ¿o non?

Un abrazu feminista.

Con zapatos nuevos

2008-12-07T05:59:00.000-08:00

En Madrid, capital del reinu, con neñu en brazos y decidia a volver a subir a unos zapatos de tacón moraos, buscando nueves tierres que pisar, convencida yá de que nun hai camín marcáu, por fin puedo ver el videu de Cataruxare en Camín de Cantares. Como presta!

¿Quién escribe los llibros de mitoloxia asturiana pa vascos?

2008-11-14T03:45:00.000-08:00

Siempre que se trata d'amores desafortunaos prestame citar dalgo que llei nel llibru de Carlos Yela entituláu “El amor desde la psicología social. Ni tan libres ni tan racionales” que diz más o menos que la causa de les ruptures amoroses nun son propiamente los fechos o los cambeos d'idees, sinon les espectatives creaes sobre la nuesa pareya. Pues esta nuechu tuve una d'eses ruptures.

Güei en Gares hebo una charla sobre mitoloxía vasca y yo que soi un pelín freak (o meyor nerd) pa eses coses y que ya tenía gana d'un contautu académicu cola cultura vasca/navarra taba perexcitada (nel sen más emocinal y menos eróticu del términu). Llegue tarde por querer aprovechar el poco tiempu que tengo pal ximnásiu (¿por qué nun lo escribiremos con “y”?) y la cosa nun podia entamar meyor: la imaxen d'una venus na pantalla.

Dempués d'una introducción a lo que lleren les cultures paleolítiques (bono, la europea, que ye too uno) perinteresante, pero que cualquiera que lleera les introducciones de la saga del clan del osu cavernariu ya sabe (pa que m'alcordara yo que nun garro un llibru d'esos dende 2003) y una comparanza ente les venus y Mari como si foran una mesma diosa y al mesmu tiempu equiparando la mitoloxía/relixon vasca coles relixones paleolítiques.

Llueu entamaron a xurdir los fallos y carencies del ponente: enfasis nel orixen prehistóricu de la mitoloxía y de la llingua, poca documentación (namái citaba a dos autores) a pesar de dir lleendo'l testu, una interpretación mui flower power de lo que ye una sociedá matriarcal (dalgo asina como una utopía troskista o el cielu de los cristianos) y una cita a ciertu llibru de mitoloxía asturiana que falaba d'anjanes y que dexaba ver lo mal que taba la mitoloxía “asturiana” y que nun quedaba nin rastru d'ella anguaño, solo dellos restos toponímicos que citen a unos personaxes que nun se sabe nin qué son nin lo qué facíen.

Yá que ente tantu euskaldune sectariu nun m'atrevi a responder, dígolo agora:

¿Anjanes asturianes? Como muncho xanes, pero nun son esautamente lo mesmo;equí voi pecar d'atrevía y dicir que me apecen más apropiaes les moces del agua cantabres si hai que facer dalguna equivalencia. (Nun me fai falta humildá pq a mín nun me paguen por adoctrinar dende esti blog, como al bonu de Pello y pueo dicir hasta que llueve p'arriba).
¿Un llibru? Pa estudiar un tema a ciertu nivel (vamos nomalu académicu) fai falta lleer más d'un llibru, contrastar y hasta saber un poquiñin de los/es autores por eso de que toos ya toes acoxamos pal nuestru llau.
Nun voi negar que soi de la opinión de que les mitoloxíes cantabra y asturiana nun tan viviendo un momentu doráu y que hai muncho que se ta perdiendo (y más habrá que se perdiera ensin que lo sepamos), pero nin na charla nin nel alderique posterior hebo datu que sustentara que la vasca tea nuna sitación meyor.

Supongo que ye facil soltar ciertos argumenton nun públicu que desconoz la materia o que ya ta adoctrináu pa asimilar ciertes idees, pero a mi quedome la triste certeza de que tendre que mirar muy bien que llibros llevo pa casa estes navidaes y una entruga tes que ya nun tenía sentíu face-y a esi home: ¿Qué dos obres, una clásica ya otra moderna, sobre mitoloxía vasca me recomendaríes?

Puente de la Reina / Gares, a 5 d'ochobre de 2008

Terence Jay "One blood"

2008-08-28T20:49:00.000-07:00

Green Street (Hooligans) una bona peli, de la que supi de casualidá. Imprescindible pa les/os que nos tocó ver el mundu ultra de cerca. Sí, toos tenemos un pasáu y yo ví más de lo que quixera.

A parte d'eso: una BSO de lo meyor. Cuantu tiempu va que nun sentía a Stone Roses!! El tema principal ye esti, al que va dedicáu el post d'esta nueche.

In the far away fires
Where the hills forever burn
At the feet of our heroes
We try hard to learn
But the lesson is lost there
In the smoke and the miles
That we are one flesh, one breath, one life,one blood

I stood by the river
That ran… ran with shame
I stood in the killing fields
Where death had no name
I stood with my brothers
And awaited fly
And we where one flesh, one breath, one life… one blood

Then I fell to the ground
Tasted ashes on my tongue
Thinking that only dead
Are forever young

There was peace in the twilight
And for a moment of more
It was a world without danger
A world without war
Then I would take all your suffering
It would do any good
Cause we are one flesh, one breath, one lïfe…one blood

Si m'inspiro tórnola cuando tenga un ratín y ADSL.

Nun va ser too blogs!

2008-08-23T15:26:00.000-07:00

Nun sé si esi nuevu apartáu de la columna la derecha merez ser comentáu, pero ya que toi delante l'ordenador y como yá tengo'l vezu, voi facelo.

Lo primero la película, El viento que agita la cebada, que nun ye mui actual, pero nun la vi hasta esti branu. Narra la llucha poles llibertaes na Irlanda de los años 20, que pue representar, nun sen más amplíu, la llucha de cualquier pueblu ocupáu y, a nivel emocional, lo dificil que resulta tomar determinaes decisiones.

El cuentu Feather Bed paeciome d'una violencia sublime. La protagonista ye una neña ingresada nun hospital psiquiáticu,... Forma parte del llibru Scéalta, una escoyeta de rellatos curtíos escritos por muyeres irlandeses, abondo recomendable (anque confieso que me costo entender dellos cuentos col mio nivel d'inglés).

Nunca me abandones, empieza siendo una historia d'amores d'institutu enmarcada nun institutu idílicu y hasta que descubrimos una verdá brutal.

Como ya ta cerca la vuelta al cole, apurrovos los datos d'un llibru téunicu pero peraccesible pa tola xente interesao nel tema: El desafío del bilingüismo, de fechu ye un llibru empobináu a pas, más ya educadores y fala de los posibles situaciones de billinguismu y multillismu na infancia. Paezme interesante como maestra de llingües varies y como futura madre de neños/es multillingües.

Pa terminar, como nun quixi escoyer namái una canción del nuevu CD de los Levellers Letters from the underground y encamientovos a que visitéis la web del discu y el myspace del grupu pa que vos faigáis una idea de lo que hai. Les mios preferíes Before the end y A life less ordinary.

Prestaríame comentavos como conseguí el CD, pero eso pa otru día.

Entamamos colos adioses

2008-08-23T13:07:00.000-07:00

Nes prósimes selmanes "desconectaréme", asina que ensin tuenti, nin facebook, nin fotolog, nin eses coses habrá que volver al clásicu sms y a les llamáes telefóniques.

Tendré que desaprender a socializar y preparame pa facer amigos nel cara a cara. Hehe.

Desobeciencia

2008-08-03T19:37:00.000-07:00

Esta nueche cito direutamente en castellán, que ye como ta escritu el llibru que tengo na mano: Sobre la desobediencia de Erich Fromm.

Si un hombre sólo puede obedecer y no desobedecer, es un esclavo; si sólo puede desobedecer y no obedecer, es un rebelde (no un revolucionario); actúa por cólera, despecho, resentimiento, pero no en nombre de una convicción o de un principio.